Louisenfeld is uns lütt Dörp in Mekelborg.

Hir is Buernland un vel Holt gifft dat ok. Bi uns is ´t platt un ok bargig. Överall sünd Wäller, Feller, Wischn un Wieden, dat is gräun so wiet as dat Oog kiekt. Dormang sünd männing lütte un grote Seen. Öwer allens de blage Häwen un de Sünn. In de Sommertied is de Luft scheun warm un mannigmal weiht ne lütte frische Bris - dat Wädder is nich tau heit. Suber is de Luft bi uns un in de Nacht könnt Ji oftins de Stiern seihn.

Dat Dörp besteiht ut dat olle Gutshus un en poor Hüschen. Uns Dörp hätt ungefiehr sößdig Inwahners. De Lüh arbe'n in de Stadt oder in de Landwirtschop oder sünd Rentners. Föfteen Kilometers af vun Louisenfeld entfiernt liggt de scheune Stadt Worn an de Müritz. Worn is beleiwt bi väle Beseukers; Ji könnt dor gaud bommeln oder in de Krog erhaalen. Am scheunsten is äwer de Haven.

In Mekelnborg is Wadersport aller Ort un notürlich ok Pirdsport möglich - sogor fleigen künnt Ji wenn Ji Lüst hätt.

Öllern un Kinner un ok Raodlers föhlen sick in Louisenfeld paudelwohl.

Hir künn eens männing scheun Utfläugs maken tau Attrakschonen as Schlötters un Gorens, tau Karken, tau Museums un Konzertsaals. Mit`t Auto künnt Ji ok an`n Oostseestrand annen Dag oder nah Barlin oder Hamborg hen un trüch führn.